Geeta Updesh Jis samay jis daur se hum guzar rahe hain, usse ghor kalyug kehna anuchit nahi hoga. Aap nimn se nimn star ke paap hote hue dekh rahe hai, man udveg aur peeda se bhar jaata hai, yeh sab dekhkar. Aisse mein humara aniyantrit hona, mansik aur sharirik roop se kuch gair mamuli nahi hai. Dil ki dhadkan badh jana, ghabrahat hona, dar lagna har koi in baton ki shikayat karta hai. Aise samay mein dhyan lagana, sakratamak rehna pehle se bhi zyada aavashyak ho gaya hai. Ek aur marg hai jo khud ko sanyam aur niyantran mein rakhne mein atyant sahayak hai, wo hai Geeta dwara bataya gaya marg. Humare vicharon aur karmon ko upyukt disha ki aur gatisheel karne ki kunji. Kaha jaata hai ki Geeta mein jeewan ki har pareshani ka hal mil jaata hai. Geeta ke updesh karm karne aur jeewan mein aage badhne ki prerna dete hain. Aise mein kissi bhi pareshani ka hal pane ke lite Geeta ki kuch baton ka dhyan rakhna chahiye. Chaliye aaj ke episode mein inhi baton ki charcha karte hain.