Mentri chi da muntagna rientrava
Era di notti e nullu si vidiva
A luna nte vallati ca brillava
Appassu leggiu eu ca mi scindiva
Fui silenziusu nto me caminari
Mentri eu attraversava lu senteri
Tuttu ad un trattu mi vitti spuntari
D′arretu e stroffi li carbineri

Lu cumandanti umili e gentili
Mi dissi permettiti dui paroli
Lu sacciu ca non è di lu me stili
Ma cercu aiutu a vui pe un casu i cori
Sugnu luntanu di me famigliari
Haiu a me patri che è malatu i cori
E la me mamma puru staci mali
E mi mancanu assai li me figghioli

Fici dumanda di trasferimentu
C'è un Colonnellu che nu cosu tintu
No havi amuri e mancu sentimentu
E chillu chi chiedia mi fu respintu
E cumandanti eu chi pozzu fari
Sugnu soltantu un poveru pasturi
Dispiaci ammia sentiri ssu parlari
Pozzu pregari sulu lu signuri

Era sicuru ca lu pozzu fari
Mi dissi "benidittu di lu suli"
Perchì mi vogghiu puru alluntanari
Non sugnu cuntra all′omani d'onuri
E ma pigghiai di cori lla matina
Doviri di na cosa troppu strana
Eu mi diriggiu versu la marina
Parlandu cu perzuni i bona rrama

Ancora mi rrispetta e assai mi stima
U trasferiru nta na settimana
Eu mancu mu spettava ddra matina
Quandu spuntau ddra bbasciu ala funtana
Eu da luntanu mu viyiu arrivari
Era vestutu in abiti civili
Felici ammia mi vorzi ringraziari
E finalmenti a casa potti yiri

Mu mmagginu tornari allegramenti
E a so famigghia cu spetta lla avanti
Ora si batti u cori veramenti
Felici si l'abbraccia a tutti quanti

Writer(s): Paolo Marino<br>Lyrics powered by www.musixmatch.com