من كل جهات المدن الخرسا
ألوف شبان زاحفين بينادوا بموت الفجر
استنوا الفجر ورا فجر
إن القتل يكف
طب إن القبضة تخف
ولذلك خرجوا يطالبوا
بالقبض على القبضة
وتقديم الكف
الدم

قلب الميدان وعدل
وكأنه دن نحاس مصهور
أنا عندى فكرة عن المدن اللى يكرهها النور
والقبر اللى بات مش مسرور
عندى فكرة عن العار وميلاد النار
والسجن ف قلبى مش على رسم السور

قلت له لا يا بيه أنا آسف
بلدى بربيع وصباح
لسة ف قلبي هديل الينابيع
لسة ف صوتي صهيل المصباح
لسة العالم حي رايح جاي
بيفرق بين الدكنة وبين الضي
بلدى مهما تضّيع مش هتضيع
ما ضايع إلا ميدان وسيع

إحنا الشعب
بتوع الأجمل والطريق الصعب
إحنا الشعب
بتوع الضرب ببوز الجزمة وسن الكعب
إحنا الشعب
بتوع الأجمل والطريق الصعب
إحنا الشعب
بتوع الضرب ببوز الجزمة وسن الكعب

ولا بعرف أبكى صحابى غير ف الليل
أنا اللى واخد ع القمر ومكلمه
أطنان من الشهور
واللى قتلني ما ظهرله دليل
وفى ليلة التشييع
كان القمر غافل مجاش
والنجم كان حافل ما بطل
الرقصة ولا الإرتعاش

وأما بلغنى الخبر ازدحم الباب
اتخاطفونى الأحباب
دة يغسل دة يكفن
دة يعجن كف تراب
وأنا كنت موصى لا تحملنى إلا كتوف إخوان
أكلوا على خوان مبنهمش خيانة ولا خوّان
وإلا نعشى ماينفدش من الباب
ما أجمل نومة على كتوف صحابك
تعرف صادقك من كذابك
تبحث عن صاحب أنبل وش
فى زمن الغش

إحنا الشعب
بتوع الأجمل والطريق الصعب
إحنا الشعب
بتوع الضرب ببوز الجزمة وسن الكعب
إحنا الشعب
بتوع الأجمل والطريق الصعب
إحنا الشعب
بتوع الضرب ببوز الجزمة وسن الكعب

بصيت وحاسب نفسى بين خلانى
تعالوا شوفوا الدنيا من مكانى
حاشتنى أغراض الحياة عن النظر
بالرغم من نُبل الألم والإنتظار
اتعلمنا حاجات أقلها الحذر
ونمنا سنوات مدهشة نحلب ليالى حلمنا المنتظر
وامتلأت الأسواق بالمواكب
تبيع صديد الوهم والمراكب
فارشة بالوطن على الرصيف
للفكر والجياع وبالعناكب ومذلة الرغيف

أنتوا التوقيف وإحنا السير
أنتوا لصوص القوت وإحنا بنبنى بيوت
إحنا الصوت ساعة ما تحبوا الدنيا سكوت
أيوة الصوت ساعة ما تحبوا الدنيا سكوت
إحنا شعبين شعبين شعبين
شوف الأول فين والتانى فين
وآدى الخط بين الإتنين بيفوت

أنتوا بعتوا الأرض بفاسها بناسها
فى ميدان الدنيا
باتت وش وضهر
بطن وصدر
والريحة سبقت
طلعت أنفاسها

إحنا الشعب

وإذا كنت لوحدى دلوقتى
بكرة مع الوقت
حتزور الزنزانة دى أجيال
وأكيد فى جيل أوصافه غير نفس الأوصاف
إن شاف يوعى وإن وعي مايخافش
أنتوا الخونة حتى لو خاننى ظنى
خد مفاتيح سجنك وياك
واتركلى وطنى
وطنى غير وطنك
ومشى قلت لنفسى
ما خدمك إلا من سجنك

Writer(s): Amir Eid<br>Lyrics powered by www.musixmatch.com